SIMPLIFICA TU VIDA

Elaine St. James é a autora dun libro titulado Simplify your life, editado en España por RBA Integral (Simplifica tu vida). O subtítulo déixanos ben clara a intencionalidade desta obra: ser unha "Guía para moderar la marcha y disfrutar de las cosas importantes" . Está dividida en oito capítulos que abranguen cen propostas referidas as seguintes cuestións: a casa, o estilo de vida, as finanzas, o traballo, a saúde, a vida persoal, temas especiais para mulleres e o derradeiro, "simplicidade pura e dura". Non deixa de ser un destes libros de "autoaxuda" ou similares, pero propón cambios ás veces curiosos, ás veces moi comprometidos coa ecoloxía, e algúns francamente utópicos. Por exemplo, atopamos consellos como "Apague o televisor", Poña fin ao correo comercial", "Deixe de enviar felicitacións de Nadal", "Manteña unha soa tarxeta de crédito", "Convirta a súa afición no seu traballo", "Non intente cambiar á xente"... E outros tan sorprendentes como os seguintes: "Non conteste ao teléfono só porque estea sonando", "Déitese ás nove unha noite á semana", "Aprenda a rir", "Non faga nada", "Tómese tempo para mirar o solpor", "Désfagase dos tacóns altos", "Coma unha madalena de fariña integral" ou "Deixe de facer a cama".

En palabras de Elaine St.James, “finalmente habíamos comprendido que no íbamos a ser capaces de llevar a cabo todo lo que nos habíamos propuesto, de modo que nos sentamos e hicimos recuento de lo que podíamos hacer y lo que es más importante, de aquello que realmente queríamos hacer. Comenzamos mediante la simplificación, a organizar nuestras vidas de manera que pudiéramos dedicar el tiempo y la energía suficiente a aquellas cosas que más nos importaban y DESPRENDERNOS DEL RESTO“.

Todos nós deberiamos seguir a máxima de Gandhi: ” Necesitamos vivir simplemente, para que outros, simplemente, poidan vivir”.